सीटीईभीटी र नेविसंघबीच १२० विद्यार्थीलाई नि:शुल्क पढाउने सहमति

प्राविधिक शिक्षा

गृहपृष्ठ
प्राविधिक शिक्षा

प्राविधिक शिक्षा सीटीईभीटी र नेविसंघबीच १२० विद्यार्थीलाई नि:शुल्क पढाउने सहमति

ईडीयू सवाल बुधबार, असोज ३, २०८०

काठमाडाैँ- प्राविधिक शिक्षा तथा व्यवसायिक तालिम परिषद् (सीटीईभिटी) र नेपाल विद्यार्थी संघबीच ८० पालिकाका १२० जनालाई छात्रवृत्ति उपलब्ध गराउने सहमति भएको छ।

परिषद्का तीनवटा आंगिक क्याम्पसमा पठनपाठन, खाना र आवास नि:शुल्क हुने गरी सीटीईभीटी र नेविसंघबीच सहमति भएको हाे।

विकट जिल्लाका ८० पालिकाका दलित, मुस्लिम, विपन्न र सीमान्तकृतलाई विशेष छात्रवृत्तिका उपलब्ध हुने भएको छ। छात्रवृत्ति डिप्लोमा इन फार्मेसी अध्ययन गर्ने विद्यार्थीले प्राप्त गर्नेछन्।

आगामी आर्थिक वर्षबाट थप आंगिक शिक्षालयबाट प्रमाणपत्र नर्सिङ कार्यक्रम सञ्चालनका लागि टोली बनाइ अध्ययन गर्ने दुई पक्षबीच सहमति बनेको छ। परिषदबाट सञ्चालित परीक्षाको ट्रान्सक्रिप्ट प्रदेश कार्यलयबाट वितरणको व्यवस्था गरिने सहमति भएको छ।

सहमतिमा परिषद्का तर्फबाट निर्देशक रामहरि देवकोटा, विनोद बडाल, टैलेन्द्र आचार्य र उप निर्देशक एकराज अधिकारीले हस्ताक्षर गरेका छन् ।

नेविसंघबाट परिषद् संयोजक शुसिल खड्का, सहसंयोजक कर्णबहादुर ओली, उत्तम खड्का र नेविसंघ केन्द्रीय सदस्य युङ्जोर कार्कीले हस्ताक्षर गरेका छन् ।

प्रकाशित मिति: बुधबार, असोज ३, २०८० १६:११