गाउँपालिका र नगरपालिका महासंघले भने : संसद्मा पेस भएको विद्यालय शिक्षा विधेयक संविधान विपरीत

विद्यालय

गृहपृष्ठ
विद्यालय

संघीय शिक्षा विधेयक गाउँपालिका र नगरपालिका महासंघले भने : संसद्मा पेस भएको विद्यालय शिक्षा विधेयक संविधान विपरीत

ईडीयू सवाल मंगलबार, असोज २, २०८०

काठमाडौं- स्थानीय तहका छाता संस्था गाउँपालिका राष्ट्रिय महासंघ नेपाल र नेपाल नगरपालिका संघले समेत ‘विद्यालय शिक्षा सम्बन्धी कानुनलाई संशोधन र एकीकरण गर्ने विधेयक २०८०’ संविधान विपरीत भएको बताएका छन्।

संविधानविपरीत स्थानीय तहको अधिकार कटौती गर्दै फेरि पनि जिल्लामा कार्यालय स्थापना गर्ने निर्णय गैरकानुनी भएको ठहर गरेको छ।

आधारभूत र माध्यमिक शिक्षा स्थानीय सरकारको एकल अधिकारको रूपमा रहेकोले विद्यालय शिक्षा ऐन बनाउने अधिकार पनि स्थानीय सरकारमा निहित रहेको दुवै संघले बताएको हो।

‘संघीय तहले प्रस्तुत गर्नुपर्ने विधेयक संघीय संसद्मा दर्ता गर्नु नै संविधानको बर्खिलाप हो। संघीय सरकारले संघीय शिक्षा ऐन तर्जुमा गरी राष्ट्रिय शिक्षा नीति तथा मापदण्ड बनाउनुको साटो विद्यालय शिक्षा विधेयक ल्याउनु संवैधानिक प्रावधान विपरीत रहेकोले किमार्थ स्वीकार गर्न सकिँदैन । स्थानीय सरकारले प्रयोग गरिरहेको माध्यमिक शिक्षासम्मको विधायिकी र कार्यकारी अभ्यासबारे सम्मानित अदालतका फैसलाहरूबाट समेत नजिर स्थापित भइसकेको स्मरण गराउन चाहन्छौँ,’ दुई संघद्वारा जारी संयुक्त विज्ञप्तिमा भनिएको छ ।