पुस्तकप्रति नयाँ पुस्तामा रुचि छैन

समाचार

गृहपृष्ठ
समाचार

पुस्तकप्रति नयाँ पुस्तामा रुचि नदेखिए पुस्तकप्रति नयाँ पुस्तामा रुचि छैन - मन्त्री पौडेल

ईडीयू सवाल बुधबार, भदौ १५, २०७९

काठमाडौँ- शिक्षा, विज्ञान तथा प्रविधिमन्त्री देवेन्द्र पौडेलले पुस्तकप्रति नयाँ पुस्तामा रुचि नदेखिएको बताएका छन्। १५औं पुस्तकालय दिवसको अवसरमा बोल्दै मन्त्री पौडेलले यस्तो बताएका हुन्।

‘अहिलेको पुस्तामा पुस्तक पढ्ने रुचि हराउँदै गएको छ,’ शिक्षामन्त्री पौडेलले भने, ‘पुस्तक पढ्ने रुचि हराउँदै जाँदा अध्ययन अनुसन्धान क्षेत्रमा कमजोर हुने अवस्था आयो।’

पुस्तक एवम् पत्रपत्रिका पढ्ने हराउँदै गएको बताउँदै मोबाइलमा आउने शीर्षक हेरेर धारणा बनाइ हिड्ने चलन सुरु भएको बताए।

‘कविता, उपन्यास र कथा पढ्नतिर पछिल्लो पुस्तामा रुचि हराउँदै गयो,’ उनले भने,’ ‘त्यसले सामाजिक समवेदना र जिम्मेवारीबोध, संस्कार र संस्कृति हराउँदै गयो।’

उनले आधुनिकिकरणको नाममा संस्कार र संस्कृति भुल्ने पुस्तकहरू पढ्ने, धारणा बनाउने जस्ता क्रियाकलापहरू कमजोर हुँदै गएको बताए।

यस वर्ष ‘पढौं, पढाऔं, निरन्तर शिक्षाका लागि पुस्तकालय जाऊँ’ भन्‍ने नाराका साथ शिक्षा, विज्ञान तथा प्रविधि मन्त्रालयले १५औं पुस्तकालय दिवस मनाएको छ।

प्रकाशित मिति: बुधबार, भदौ १५, २०७९ १७:३३