शिक्षक आन्दोलनलाई निश्तेज बनाउन सरकारले घुसपैठ गरेकाे महासंघकाे आराेप

शिक्षक

गृहपृष्ठ
शिक्षक

शिक्षक महासंघ आन्दोलन शिक्षक आन्दोलनलाई निश्तेज बनाउन सरकारले घुसपैठ गरेकाे महासंघकाे आराेप

ईडीयू सवाल आइतबार, वैशाख १४, २०८२

काठमाडौँ- नेपाल शिक्षक महासंघले शिक्षकको शान्तिपूर्ण आन्दोलनमा सरकारले नै घुसपैठ गरेर आन्दोलनकारीलाई भड्काएकाे आरोप लगाएको छ। आइतबार शिक्षक आन्दोलनको सभालाई सम्बोधन गर्दै महासंघ अध्यक्ष लक्ष्मीकिशोर सुवेदीले सरकार शिक्षककाे आन्दोलनलाई निश्तेज पार्न आन्दोलनकारीलाई भड्काउने तर्फ उद्दत भएकाे बताए।

‘हामी शिक्षक हौँ। लाठी छैन, केही छैन। शान्त आन्दोलनकारीलाई भड्काउन घुसपैठ गराइयाे। सरकारले आन्दोलनलाई दमन गर्न सक्दैन’ उनले भने।

बानेश्वरमा शिक्षक र प्रहरीबीच झडप भएको थियो। प्रहरीले पानीको फोहरा प्रहार गरेको थियो महासंघका अनुसार १५ जना बढी शिक्षक घाइते भएका छन्। यसपछि झन् शिक्षकहरू आक्रोशित भएका छन्। शिक्षक महासंघले राज्यले शिक्षक आन्दोलनमा दमन गरेको निष्कर्ष निकालेको छ। साेमबार थप शिक्षक कर्मचारी सडकमा आउने महासंघले जनाएको छ। महासंघले त्यो ढुंगा प्रहार शिक्षकबाट नभएको दाबी गरेको छ।

हेलमेट लगाएको केही व्यक्तिले ढुंगा प्रहार गरेको र आन्दोलनलाई उत्तेजित बनाउन घुसपैठ गरेर ढुंगा प्रहार गरेकाे अध्यक्ष सुवेदीले जानकारी दिए।

प्रकाशित मिति: आइतबार, वैशाख १४, २०८२ १६:२८