काठमाडाैँ - नेपालमा युके शैक्षिक गन्तव्यलाई चिनाउन भूमिका खेल्ने काठमाडौँको कमलादी स्थित ईडियू ब्रिज कन्सल्टेन्सीका सञ्चालक याेगेश क्षेत्री ‘फेयर ईन्टरनेशनल एजुकेशनल अवार्ड २०२५’ मा पुरस्कृत भएका छन्। फेयर एक्सप्रेस मासिकले आयोजना गरेकाे ‘फेयर ईन्टरनेशनल एजुकेशन अर्वाड २०२५’ मा ईडियु ब्रिज 'आउट स्ट्याण्डिङ कन्ट्रिब्यूसन टु द डेभलेपमेन्ट इन युके एजुकेशन' विधामा पुरस्कृत भएको हो।
काठमाडौँ कमलादीमा अवस्थित रहेको ईडियु ब्रीज कन्सलटेन्सीले उच्च शिक्षा अध्ययनको लागि विदेश जान चाहने नेपाली विद्यार्थीलाई शैक्षिक परामर्श प्रदान गर्दै आएको छ। यस संस्था सन् २००८ मा देखि ऊर्जावान टोलीद्वारा स्थापित र अनुभवी कर्मचारीद्वारा सञ्चालित रहेको छ। देशभरका प्रमुख सहरहरूमा आफ्नो सेवा विस्तार गरिसकेका ईडियु ब्रीज पछिल्लो समय नेपाली विद्यार्थीहरुको रोजाइमा पर्ने गरेको छ।
ईडियु ब्रीजले विद्यार्थीहरुलाई अष्ट्रेलिया, अमेरिका, क्यानडा, जापान र यूकेमा उच्च शिक्षा अध्ययनको लागि पठाउने गरेको छ। ईडियू ब्रीजले काठमाडौँ बाहेक ललितपुर,पोखरा, बनेपा, बीरगञ्जमा संस्थाको शाखा विस्तार गरेको छ। यस संस्थाले विभिन्न देशहरुको विश्वविद्यालय तथा क्याम्पसहरुसँग सहकार्य गरि अध्ययनको लागि विद्यार्थी पठाउने गरेको छ। ईडियु ब्रीजमा देशभरका कार्यालयमा विद्यार्थीहरुले हजारौँको संख्यामा अंग्रेजी भाषा अध्ययन गर्दे आएका छन्।
यस संस्थामा विद्यार्थीले आवश्यक शैक्षिक परामर्श प्राप्त गर्नुका साथै यहाँको प्रोफेसनल टिम, डिजिटल कक्षाकोठा, उचित परामर्श, उपयुक्त वातावरण, विद्यार्थी मैत्रि वातावरण, गुणस्तरीय तथा व्यक्तिगत रूपमा प्रत्यक्ष काउन्सिलिङ जस्ता सुविधाहरु पाउँछन्।
यस संस्थाले उच्च शिक्षा अध्ययनको लागि विदेश जाने विद्यार्थीहरूलाई आवश्यक अध्ययन सम्बन्धी जानकारी, शैक्षिक नीति, विश्वविद्यालयको भौतिक शैक्षिक पूर्वाधार, छात्रवृत्ति, भिसा आवेदन प्रक्रिया लगायतका विषयबारे विद्यार्थीलाई सत्य तथ्य जानकारी प्रदान गर्दछ। लामाे समय देखि उच्च शिक्षा अध्ययनको लागि सेवा प्रदान गर्दै आएको ईडियु ब्रीजमा अध्ययन गरेका विद्यार्थीहरुले विदेश लगायत नेपालमा फर्केर देश र जनताको लागि थुप्रै सेवामुलक कार्यहरु गरेका छन्।
