काठमाडाैँ - फ्रान्क्लिन एजुकेशन तथा मार्केटिङ कन्सलटेन्सीले युरोप र युकेका विभिन्न मुलुकमा अध्ययनको लागि नेपालको उत्कृष्ट परामर्शदातृ संस्था अवार्ड प्राप्त गरेको छ। फेयर एक्सप्रेस मासिकले आयोजना गरेको ‘फेयर ईन्टरनेशनल एजुकेशन अवार्ड २०२५’ द्वारा फ्रान्क्लिन एजुकेशन नेपालको 'वेष्ट एजुकेशन कन्सल्टेन्सी फर स्टडी इन युरोप' विधामा अवार्ड प्राप्त गर्न सफल भएको हो।
काठमाडौँ कमलपोखरीमा अवस्थित युरोप र युकेका विभिन्न मुलुकमा अध्ययन गर्न जान चाहने विद्यार्थीलाई शैक्षिक परामर्श सेवा उपलव्ध गराउँदै आएको फ्रान्क्लिन एजुकेशन कन्सल्टेन्सीले उक्त अवार्ड प्राप्त गरेकाे हाे। विसं २०७९ मा स्थापित फ्रान्क्लिन पछिल्लो समय यूके अध्ययनमा जान चाहने विद्यार्थीको रोजाइमा पर्ने गरेको छ।
फ्रान्क्लिनले नेपालभित्र काठमाडौँ, पोखरा, धनगडी, हेटौँडामा संस्थाको शाखा विस्तार गरेको छ। यस संस्थामा ३ जना भाषा शिक्षक र २४ जना कर्मचारी कार्यरत छन्। फ्रान्क्लिनले सन् २०२४ सालमा यूकेमा १२०० जना, अमेरिकामा ११ जना र जर्मनीमा १८ जना विद्यार्थी उच्च शिक्षा अध्ययनको लागि पठाएको थियो। फ्रान्क्लिनले विभिन्न देशको २० भन्दा बढी कलेज तथा युनिभर्सिटिहरुमा विद्यार्थी पठाउने गरेको छ। फ्रान्क्लिनमा २०२४ सालमा ८ जनाले जापानी, ५३ जनाले अंग्रेजी, ३० जनाले जर्मनी भाषा अध्ययन गरेका थिए।
फ्रान्क्लिनले ‘बेस्ट पर्फमर’, ‘बेस्ट पर्फमेन्स एजेन्ट’ र ‘द राईजिङ स्टार’ अर्वाड लगाएतका थुप्रै राष्ट्रिय तथा अन्तर्राष्ट्रिय उल्लेखित पुरस्कार हासिल गर्न सफल भएको छ। फ्रान्क्लिनले यूकेको यूनिभर्सिटिहरुसँग प्रत्येक्ष सम्पर्क गर्ने वातावरण बनाउनुका साथै आवेदन प्रक्रियामा सहजता गर्ने, छोटो समयमा भिसा प्रोसेसका लागि सहजिकरण गर्ने काम गर्दै आएकाे छ।
लामो अनुभवि शिक्षकद्वारा आईईएलटीएस तयारी कक्षा, टीआईटीआईद्वारा सर्टिफाइड काउन्लिर, नियमित अध्यागमन परामर्श, उच्च दक्ष र जानकार सल्लाहकारहरूबाट सहि र भरपर्दो मार्गदर्शन, विशेषज्ञ व्यक्तिगत काउन्सिलिङ प्रदान गर्ने भएकाले विद्यार्थीले फ्रान्क्लिनलाई रोज्ने गरेको फ्रान्क्लिनका प्रबन्ध निर्देशक उमेश खड्काले जानकारी दिए।
