काठमाडाैँ - हब इन्टरनेशनल एजुकेशन ‘फेयर इन्टरनेशनल एजुकेशन अर्वाड २०२५’ मा पुरस्कृत भएको छ। फेयर एक्सप्रेस मासिकले आयोजना गरेकाे अर्वाडमा हबले वर्ष २०२४को उत्कृष्ट पराकर्शदाताको अवार्ड प्राप्त गर्न सफल भएकाे हो।
उच्च शिक्षा अध्ययनको लागि शैक्षिक परामर्श प्रदान गर्दै आएको हब इन्टरनेशनल एजुकेशन प्रा.लीको केन्द्रीय कार्यालय काठमाडौँ हात्तिसारमा अवस्थित रहेको छ। हब इन्टरनेशनल कम्पनी रजिस्ट्रार कार्यलयबाट सन् २००६ सालमा सम्बन्धन प्राप्त कन्सलटेन्सी हो। यस संस्थामा ८ जना भाषा शिक्षक र ८८ जना कर्मचारी कार्यरत छन्।
हबले काठमाडौँ, पोखरा, बुटवल, भैरवहा, नेपालगञ्ज र बिर्तामोडमा संस्थाको शाखा विस्तार गरेको छ। हबले गत वर्ष सन् २०२४ सालमा अष्टे«लियामा २५ जना, क्यानडामा ३० जना, अमेरिकामा २१ जना, भारतमा २१५ जना, न्यूजील्यान्डमा १७ जना र यूकेमा ३२५ जना विद्यार्थीलाई उच्च शिक्षा अध्ययनको लागि सेवा प्रदान गरेको थियो। हब इन्टरनेशनलमा प्रत्येक वर्ष २५० जना भन्दा बढी विद्यार्थीले अंग्रेजी भाषा अध्ययन गर्दै आएका छन्।
हब आईसीईएफ, नेपाल चेम्बर अफ कर्मस (एनसीसी), इन्टरनेशनल एजुकेशन रिप्रिजेन्टेटिभ अफ नेपाल (आईरिन)बाट मान्यता प्राप्त कन्सलटेन्सी हो।हबले उच्च शिक्षा अध्ययनको लागि विदेश जाने विद्यार्थीको बसोबास र अध्ययनको लागि आवश्यक वातावरण, शिक्षा नीति, विश्वविद्यालयको भौतिक- शैक्षिक पूर्वाधार, छात्रवृत्ति, भिसा आवेदन प्रक्रिया लगायतका विषयबारे विद्यार्थीलाई सत्य तथ्य जानकारी प्रदान गर्दे आएको छ।
हबमा विद्यार्थीहरूले अत्याधुनिक भौतिक सुविधासम्पन्न डिजिटल कक्षाकोठा सहितको उचित परामर्श, प्रोफेसनल टीम, उपयुक्त वातावरण, व्यक्तिगत रूपमा प्रत्येक्ष काउन्सिलिङ जस्ता थुपै सुविधाहरु पाउँछन्।
