काठमाडाैँ - फेयर एक्सप्रेस मासिकले आयोजना गरेको ‘फेयर ईन्टरनेशनल एजुकेशन अवार्ड २०२५’ मा काठमाडौँ ठमेलमा अवस्थित ओपन भिजन एजुकेशन फाउण्डेशनले नेपालको उत्कृष्ट जापान अध्ययन विशेष शैक्षिक परामर्शदातृको अवार्ड प्राप्त गरेको छ। ओपन भिजनले 'वेष्ट एजुकेशन कन्सल्टेन्सी फर स्टडी इन जापान' विधामा अवार्ड प्राप्त गरेको हो।
ओपन भिजन एजुकेशन फाउन्डेशन प्रा.ली ले जापानमा उच्च शिक्षा लिन चाहने नेपाली विद्यार्थीहरूलाई शैक्षिक परामर्श सेवा उपलब्ध गराउँदै आएकोे छ। ओपन भिजन वि सं २०६४ सालमा शिक्षा विज्ञान तथा प्रविधि मन्त्रालयबाट सम्बन्धन प्राप्त कन्सलटेन्सि हो। ओपन भिजनले काठमाडौँ भित्र ठमेल, चाबहिल र काठमाडौँ बाहिर चितवनमाशाखा विस्तार गरेको छ। यस संस्थामा ४ जना भाषा शिक्षक र १३ जना कर्मचारी कार्यरत छन्।
ओपन भिजनले विद्यार्थीहरूको अन्तर्राष्ट्रिय शैक्षिक यात्रामा साथ दिनुको साथै विशेष गरी जापान अध्ययनमा जाने विद्यार्थीलाई मागदर्शन दिदैँ आएको छ।यस कन्सलटेन्सिले जापानको ५ वटा विश्वविद्यालय र ६२ वटा क्याम्पसहरुमा उच्च शिक्षा अध्ययनको लागि विद्यार्थी पठाउने गरेको छ। ओपन भिजनले जापानका विभिन्न कलेजहरुबाट बेस्ट कन्सलटेन्सिको उपाधी प्राप्त गरेको छ। यस संस्थामा विशेषगरी जापानको लागि विज्ञ कर्मचारीहरु कार्यरत छन्।
ओपन भिजनमा विद्यार्थीहरुले दक्ष अनुभवि टिमबाट व्यक्तिगत रूपमा प्रत्यक्ष काउन्सिलिङ जस्ता अवसरहरु प्राप्त गर्छन्। यस कन्सल्टेन्सीले गतवर्ष सन् २०२४ मा ५०० जना, २०२३ मा ३५० जना र २०२२ सालमा २५० जना विद्यार्थी उच्च शिक्षा अध्ययनको लागि जापान गएको ओपन भिजनका प्रबन्ध निर्देशक रमेश देवकोटाले जानकारी दिए। ओपन भिजनमा गत वर्ष पाँचसय भन्दा बढीले विद्यार्थीले जापानी भाषा अध्ययन गरेका थिए।
जापान अध्ययनमा जान चाहने विद्यार्थीलाई शैक्षिक परामर्श सेवा प्रदान गर्दै आफ्नो फरक पहिचान बनाएको ओपन भिजन पछिल्लो समयमा जापान शैक्षिक गन्तव्य बनाउने विद्यार्थीको रोजाईमा पर्ने गरेको छ।१८ बर्ष भन्दा बढी लामो अनुभवी समूह, नियमित जापान अध्यागमन परामर्शदाता, व्यक्तिगत मागदर्शन र धेरै संस्था र कार्यक्रमहरुको विकल्प कारण विद्यार्थीहरुले उच्च शिक्षा अध्ययन र विशेष गरि जापान अध्ययनको लागि ओपन भिजनलाई रोज्नुपर्ने प्रबन्ध निर्देशक रमेश देवकोटाले जानकारी दिए।
