काठमाडाैँ - ललितपुरको ग्वार्काे चोकमा रहेको क्वेष्ट इन्टरनेशनल कलेजले नेपालको उदयीमान उत्कृष्ट हस्पिटालिटी, म्यानेजमेन्ट एण्ड आइटी कलेजको अवार्ड प्राप्त गरेको छ। फेयर एक्सप्रेस मासिकले आयोजना गरेको ‘फेयर ईन्टरनेशनल एजुकेशन अर्वाड २०२५’ मा क्वेष्ट इन्टरनेशनल कलेजले 'वेष्ट हस्पिटालिटी, म्यानेजमेन्ट एण्ड इमर्जिङ आइटी कलेज ' विधामा अवार्ड प्राप्त गरेको हो।
क्वेष्ट इन्टरनेशनल कलेज सन् २००९ मा पोखरा विश्वविद्यालयबाट सम्बन्धन प्राप्त कलेज हो। क्वेष्ट कलेज विश्वविद्यालय शिक्षामा व्यवस्थापन र सूचना प्रविधि तर्फका विषय अध्यापन हुने विद्यार्थीको रोजाइमा पर्न सफल शिक्षणसंस्था हो। यस कलेजमा ६५ जना शिक्षक र ३५ जना कर्मचारी कार्यरत छन्।

यस कलेजमा व्यवस्थापन संकाय अन्तर्गतका ब्याचलर इन बिजनेस एडमिनिस्ट्रेसन(बीबीए), ब्याचलर इन होटल व्यवस्थापन (बीएचएम), ब्याचलर अफ कम्प्युटर सिस्टम एण्ड इन्फरमेसन टेक्नोलोजोजी (बीसीएसआइटी) विषय अध्यापन हुन्छ। यस कलेज आइएसओ सर्टिफाइड हुनुका साथै नेपालको विश्वविद्यालय अनुदान आयोग (युजीसी)बाट कयूएए सर्टिफाइड कलेज हो।
विद्यार्थी केन्द्रित सुविधा प्रदान गर्दै आएको क्वेष्टले बीएचएम (होटल म्यानेजमेन्ट) विषय अध्ययनको लागि नेपालको दोस्रो उत्कृष्ट कलेज र बेस्ट कलेज फर हस्पिटालिटी एण्ड बिजनेस म्यानेजमेन्ट उपाधी प्राप्त गर्न सफल भएको छ। क्वेष्टले गुणस्तरीय व्यवस्थापन शिक्षा, व्यावसायिक विकास, सीप तथा तालिम प्रदान गरी अनुसन्धान र विकासको क्षेत्रमा महत्वपूर्ण योगदान पुर्याउँदै आएको छ।

क्वेष्ट नै किन?
भौतिक शैक्षिक पूर्वधारले सुसम्पन्न रहेको क्वेष्टमा दक्ष तथा अनुभवि शिक्षक हुनका साथै, विषयगत र प्रयोगात्मक कक्षा सञ्चालन हुन्छ। यस कलेजमा व्यवहारिक, शैद्धान्तिक तथा व्यवसायीक ढंगबाट पठनपाठन हुन्छ। क्वेष्टमा विषयविज्ञ, पाठ्यपुस्तक लेखक तथा अनुभवी शिक्षक समूहबाट अध्यापन हुनुका साथै विद्यार्थीलाई पारिवारिक वातावरणमा अध्ययन गर्ने अवसर प्राप्त हुन्छ। क्वेष्ट विशेष गरि होटल म्यानेजमेन्ट र सूचना प्रविधि शिक्षा आर्जन गर्न चाहने विद्यार्थीहरुको रोजाइमा पर्ने गर्दछ।
छात्रवृत्ति
यस कलेजले आर्थिक रुपमा विपन्न, जेहेन्दार, कमजोर, सीमान्तकृत, पिछडिएका वर्ग, सहयोग चाहिने विद्यार्थी लगायत एसईई र एसएलसीमा उत्कृष्ट नतिजा हासिल गर्ने विद्यार्थीलाई छात्रवृत्ति उपलब्ध गराउँदै आएको छ। क्वेष्टले पढाइका अलावा अन्य क्षेत्रमा आफूलाई अब्बल सावित गर्न सफल विद्यार्थीलाई पनि प्रोत्साहन स्वरुप छात्रवृत्ति उपलब्ध गराउँछ।

उत्कृष्ट नतिजा
स्थापना कालदेखि नै उत्कृष्ट नतिजा र शैक्षिक उपलब्धिमा आफूलाई उत्कृष्ट बनाउन सफल क्वेष्टको शैक्षिक गुणस्तर र नतिजा हरेक वर्ष उकालो चढिरहेको छ। यस कलेजले पोखरा विश्वविद्यालयको वार्षिक परीक्षामा समेत अग्रण स्थानमा आउँदै विद्यार्थीले विभिन्न विधामा पदक प्राप्त गर्ने गरेका छन्। क्वेष्टले हरेक वर्ष विद्यार्थीको क्षमता अनुसार स्तरीय पठनपाठनसँगै उत्कृष्ट नतिजा हासिल गर्न सफल भएको छ।
भौतिक शैक्षिक पूर्वधार
विद्यार्थी केन्द्रित सुविधा प्रदान गर्दै आएको क्वेष्ट बेस्ट कलेज फर हस्पिटालिटी उपाधी प्राप्त गर्न सफल कलेज हो। क्वेष्ट कलेजको ५ रोपनीमा ४ वटा सुविधा सम्पन्न भवन छन्। क्वेष्टमा भूकम्प प्रतिरोधी भवन, डिजिटल कक्षा, ल्याब प्रयोगशाला, खेलमैदान, पुस्तकालय लगायतको भौतिक शैक्षिक पूर्वधार उपलब्ध छन्। विद्यार्थीले यी सबै प्रयोगशालामा आफूले सिकेका कुरा सिकाई वातावरणमा प्रयोगमा ल्याउन सक्छन्।

अतिरिक्त क्रियाकलापमा जोड
यस कलेजले सफल व्यक्त्वि र व्यावसायिक जीवनको लागि आवश्यक गुणस्तरीय शिक्षा प्रदान गर्दे आएको छ। क्वेष्टले शैद्धान्तिक मात्र नभइ व्यवहारिक ज्ञानलाई पनि जोड दिँदै क्यारियर क्लब, सामाजिक क्लब, कला र प्रदर्शनी क्लब, संस्कृति क्लब र खेलकुद क्लब जस्ता ५ विद्यार्थी क्लब गठन गरेको छ। विद्यार्थीहरुले यस गठित क्लबहरुबाट विवरण र प्रक्रियाको अन्वेषण गरी चुनौतीपूर्ण अवधारणाहरूको पुनःअवलोकन गर्न सक्छन्। प्राइम लोकेसन, शैक्षिक गुणस्तर, भौतिक पुर्वाधारका कारण क्वेष्ट कलेज विद्यार्थीको रोजाइमा पर्ने गरेको छ।
