काठमाडाैँ - कंगारु एजुकेशन फाउन्डेसनले स्टडि इन अष्ट्रेलिया विधामा फेयर ईन्टरनेशनल एजुकेशन अवार्ड प्राप्त गरेकाे छ। काठमाडौँको पुतलिसडकमा केन्द्रिय कार्यालय रहेकाे कंगारु एजुकेशनले फेयर एक्सप्रेस मासिकले आयोजना गरेको ‘फेयर ईन्टरनेशनल एजुकेशन अवार्ड २०२५’ मा 'वेष्ट एजुकेशन कन्सल्टेन्सी फर स्टडी इन अष्ट्रेलिया' काे अवार्ड प्राप्त गरेको हो।
उच्च शिक्षा अध्ययनको लागि नेपाली विद्यार्थीलाई शैक्षिक परामर्श सेवा उपलब्ध गराउँदै आएको कंगारु एजुकेशन फाउन्डेसन विसं २०६४ साल बैशाख १६ गते कम्पनी रजिष्ट्रार कार्यालयमा दर्ता भइ सञ्चालनमा आएको नेपालबाट विदेश अध्ययनमा जान चाहने विद्यार्थीको रोगाइमा पर्न सफल शैक्षिक परामर्शदातृ संस्था हो। यस संस्थामा ६ जना भाषा शिक्षक र ४२ जना कर्मचारी कार्यरत छन्।
कंगारुले नेपालभित्र काठमाडौँ, पोखरा, चितवन, धरान, बुटवल, दमक, विर्तामोड, ईटहरी र अन्तर्राष्ट्रिय रुपमा अष्टे«लियामा ३ वटा शाखा विस्तार गरेको छ। कंगारु एजुकेशन फाउन्डेसनले २०७२ चैत्र २३ गते शिक्षा मन्त्रालयबाट राष्ट्रिय मान्यता प्राप्त गरेको थियो। आफ्नो संस्थालाई आफैसँग प्रतिस्पर्धा गर्दै अघि बढेको कंगारु एजुकेशन फाउन्डेसन पछिल्लो समय विद्यार्थी र अभिभावकको रोजाइमा पर्ने गरेको छ।
कंगारुले क्यानडाको ७ वटा यूनिभर्सिटी र १२ वटा कलेज, अष्टे्लियाको १२ यूनिभर्सिटी र ५० कलेज, यूकेको ५ यूनिभर्सिटी र १५ कलेज, अमेरिकाको ८ यूनिभर्सिटी र १० वटा कलेजहरुमा नेपालबाट उच्च शिक्षा अध्ययनको लागि विद्यार्थीलाई सेवा प्रदान गर्ने गरेको छ। कंगारुमा प्रत्येक वर्ष १२ सय भन्दा बढि विद्यार्थीले अंगे्रजी भाषा अध्ययन गर्दै आएको छ। कंगारुले उच्च शिक्षा अध्ययनको लागि विदेश जाने विद्यार्थीहरूलाई आवश्यक अध्ययन सम्बन्धी जानकारी, शैक्षिक नीति, विश्वविद्यालयको भौतिक शैक्षिक पूर्वाधार, छात्रवृत्ति, भिसा आवेदन प्रक्रिया लगायतका विषयबारे विद्यार्थीलाई सत्य तथ्य जानकारी प्रदान गर्दछ।
कंगारुमा विद्यार्थीहरुले सुविधासम्पन्न डिजिटल कक्षाकोठा, उचित परामर्श, प्रोफेशनल टिम, उपयुक्त वातावरण, व्यक्तिगत रूपमा प्रत्यक्ष काउन्सिलिङ जस्ता थुपै सुविधाहरु प्राप्त गर्छन्। विगत् १८ वर्ष देखि उच्च शिक्षा अध्ययनको लागि सेवा प्रदान गर्दै आएको कंगारुमा अध्ययन गरेका विद्यार्थीहरुले विदेश लगायत नेपालमा फर्केर देश र जनताको लागि थुप्रै सेवामुलक कार्यहरु गरेका छन्।
विद्यार्थीको आवश्यकता अनुरुपको सेवा, दक्ष तथा अनुभवि कर्मचारी, १८ वर्ष भन्दा लामो अनुभवी परामर्शदाता, व्यक्तिगत मागदर्शन, विभिन्न कार्यक्रमहरूको विकल्प र प्राइम लोकेसनको कारण विद्यार्थीहरुले विदेशमा उच्च शिक्षा अध्ययनको लागि कंगारु फाउन्डेशन विद्यार्थीको रोजाइमा पर्ने गरेको छ।
