आन्दोलनरत शिक्षकहरुले बुधबार एमाले केन्द्रीय कार्यालयमा धर्ना दिदैँ

शिक्षक

गृहपृष्ठ
शिक्षक

आन्दोलनरत शिक्षकहरुले बुधबार एमाले केन्द्रीय कार्यालयमा धर्ना दिदैँ

ईडीयू सवाल बुधबार, फागुन २८, २०८१

काठमाडौँ - आन्दोलनरत शिक्षकहरुले आज नेकपा एमालेको केन्द्रीय कार्यालयमा धर्ना दिने भएको छन्। उनीहरुले विद्यालय शिक्षा ऐन यथाशीघ्र जारी गर्न दबाब दिँदै दिउँसो १ बजेदेखि ३ बजेसम्म ललितपुरको च्यासलस्थित केन्द्रीय कार्यालयमा धर्ना दिने भएका हुन्। नेपाल शिक्षक महासंघका अध्यक्ष लक्ष्मीकिशोर सुवेदीले आज दिउँसो एमाले पार्टी कार्यालयमा धर्ना दिने कार्यक्रम तय भएको जानकारी दिए। उनका अनुसारा भोली फागुपूर्णिमाका दिन धर्नाका कार्यक्रम राखिएको छैन।

उनीहरुले आइतबार नेकपा माओवादी केन्द्रको केन्द्रीय पार्टी कार्यालय पेरिसडाडामा धर्नाको कार्यक्रम तय भएको छ। यस अघि मंगलबार महासंघले कांग्रेस केन्द्रीय कार्यालय सानेपामा दुई घण्टा धर्ना दिएको थियो।

अस्थायी प्रकृतिका शिक्षकको स्थायित्व, विद्यालय कर्मचारीको दरबन्दी सिर्जना, शिक्षकहरुलाई स्थानीय सरकार मातहत राख्न नहुनेलगायत उनीहरुको माग रहेको छ। बाल कक्षा शिक्षक (इसीडी), अस्थायी अवधि गणना तथा निवृत्तिभरण, शिक्षक बढुवा, प्रधानाध्यापक नियुक्ति, सरुवा र कार्यसम्पादन मूल्यांकनलगायत विषय शिक्षकहरुले अगाडि सारेका छन्।

वि.सं. २०८१ चैत्र २० गतेबाट देशभरका सबै शिक्षक कर्मचारी काठमाडौँ आई सडक आन्दोलनमा सहभागी हुने भएका छन्। यो आन्दोलन विद्यालय शिक्षा ऐन जारी नभएसम्म कायम रहने भएकाे छ। यस अवधिमा सबै सरकारी कामकाजको वहिष्कार गरिने महासंघका जनाएकाे छ।

प्रकाशित मिति: बुधबार, फागुन २८, २०८१ १२:१०