दिवा खाजा प्रारुपको मस्यौदा तयार, सराेकारवालासँग शिक्षा मन्त्रालयले माग्यो सुझाव

विद्यालय

गृहपृष्ठ
विद्यालय

दिवा खाजा प्रारुपको मस्यौदा तयार, सराेकारवालासँग शिक्षा मन्त्रालयले माग्यो सुझाव

ईडीयू सवाल बुधबार, भदौ २६, २०८१

काठमाडाैँ - शिक्षा, विज्ञान तथा प्रविधि मन्त्रालयले दिवा खाजामा प्रयोग हुने परिकारका विषयमा सरोकारवालासँग सुझाव माग गरेको छ। शिक्षा मन्त्रालयको प्रारम्भिक बालविकास पोषण शाखा अधिकृत सुशिला अर्यालले मंगलबार सूचना जारी गर्दै स्थानीय उत्पादनमा आधारित पोषणयुक्त दिवा खाजा प्रारुपको मस्यौदा तयार पारिएको बताएकी हुन्।

विद्यालयको कक्षा ५ सम्म दिइँदै आएको दिवा खाजामा स्वस्थ्यकर तथा पौष्टिक तत्त्व भरपुर हुनु पर्ने भन्दै तयार गरेको मस्यौदामा सुझाव माग गरिएकाे हो।स्थानीय उत्पादनमा आधारित पोषणयुक्त दिवा खाजा प्रारूपको मस्यौदा सार्वजनिक गर्दै सुझाव माग गरेको छ।

दिवा खाजाका लागि कस्तो नीति आवश्यक छ? दिवा खाजासँग जोडेर स्थानीय खाद्यवस्तुको उत्पादन बढाउने र स्थानीय उत्पादनलाई प्रवर्द्धन गर्ने तरिका के-के हुन सक्छन्? विद्यालयको दिवा खाजाको पोषणमा खाद्य सुरक्षा र स्वच्छता कसरी सुरक्षित गर्न लगायतका विषयमा मस्यौदा मार्फत सुझाव मागिएको छ।

उक्त मस्यौदामाथि २०८१ भदौ मसान्तभित्र उल्लेखित ठेगानामा सुझाव दिन अनुरोध गरिएको छ।

प्रकाशित मिति: बुधबार, भदौ २६, २०८१ ११:५४