प्रधानमन्त्री ओलीसहित २२ मन्त्रीले लिए सपथ ‌(विवरणसहित)

समाचार

गृहपृष्ठ
समाचार

प्रधानमन्त्री ओलीसहित २२ मन्त्रीले लिए सपथ ‌(विवरणसहित)

ईडीयू सवाल सोमबार, असार ३१, २०८१

काठमाडाैँ- प्रधानमन्त्री केपी शर्मा ओली नेतृत्वको सरकारमा दुई उपप्रधानमन्त्रीसहित २१ मन्त्रीले शपथ लिएका छन्। प्रधानमन्त्री ओलीको शपथ लगत्तै उपप्रधान तथा मन्त्रीहरूले शपथ लिएका हुन्।

नेपाली कांग्रेसबाट प्रकाशमान सिंह उपप्रधानसहित सहरी विकास मन्त्री र एमालेबाट विष्णु पौडेल उपप्रधानसहित अर्थ मन्त्री बनेका छन्।

कांग्रेसबाट प्रमुख सचेतक रहेका रमेश लेखक गृह मन्त्री, आरजु राणा परराष्ट्रमन्त्री, दीपक खड्का ऊर्जा, अजय चौरसिया कानुन, ऐनबहादुर शाही वनमन्त्री, तेजुलाल चौधरीलाई युवा तथा खेलकुद मन्त्री, प्रदीप पौडेल स्वास्थ्यमन्त्री, बद्री पाण्डे पर्यटन मन्त्री र रामनाथ अधिकारीले कृषि मन्त्रालयकाे जिम्मेवारी पाएका छन्।

एमालेबाट उपमहासचिव पृथ्वीसुब्बा गुरुङ सञ्चारमन्त्री, राजकुमार गुप्ता संघीय मामिला तथा सामान्य प्रशासन मन्त्री, सोलुखुम्बुका सांसद मानवीर राई रक्षामन्त्री, बलराम अधिकारी भूमि व्यवस्था, सहकारी तथा गरिबी निवारण मन्त्री, दामोदर भण्डारी उद्योग, वाणिज्य तथा आपूर्ति मन्त्री, देवेन्द्र दाहाल भौतिक पूर्वाधार मन्त्री र विद्या भट्टराई शिक्षामन्त्री बनेकी छन्।

यसैगरी लोसपाबाट शरदसिंह भण्डारी श्रममन्त्री बनेका छन् भने जसपाबाट नवलकिशोर साह सुडी महिला बालबालिका तथा जेष्ठ नागरिक मन्त्री र प्रदीप यादव खानेपानी मन्त्री बनेका छन्।

मन्त्रीहरूको वरीयताक्रम अनुसार

१. केपी शर्मा ओली – प्रधानमन्त्री तथा मन्त्रिपरिषद्को कार्यालय

२. प्रकाशमान सिंह – उपप्रधान तथा सहरी विकास

३. विष्णु पौडेल – उपप्रधान तथा अर्थ

४. पृथ्वीसुब्बा गुरुङ – सञ्चार तथा सूचना प्रविधि

५. रमेश लेखक – गृह

६. शरतसिंह भण्डारी – श्रम, रोजगार तथा सामाजिक सुरक्षा

७. आरजु राणा – परराष्ट्र

८. प्रदीप यादव – खानेपानी

९. बलराम अधिकारी – भूमि व्यवस्था, सहकारी तथा गरिबी निवारण

१०. दामोदार भण्डारी – उद्योग, वाणिज्य तथा आपूर्ति

११. नवलकिशोर साह सुडी – महिला, बालबालिका तथा ज्येष्ठ नागरिक